მოგესალმებით, გუნდი ,,Carpe Diem'' შედგება სამი განსხვავებული, საინტერესო, კრეატიული და არათავმდაბალი წევრისაგან, მუდამ სიახლის მაძიებელი მარიამი, პრანჭია, მხიარული და კრეატიული ფიქრია და ადამიანების ფიქრებზე მონადირე დავითი, ჩვენ შევეცადეთ ეს დღეები მაქსიმალურად ნაყოფიერი ყოფილიყო და რაც შეიძლება მეტი ადამიანისათვის გაგვეცნო, ჩვენი გუნდი და მიზნები, ბევრი ვიფიქრეთ, თუ რა ყოფილიყო ამომავალი წერტილი ამ ჩვენი საქმიანობისა და პრინციპების ღალატს ისევ ბანალურობა ვარჩიეთ, ნათქვამია სიკეთით სძლიე შენს მტერსაო და ჩვენც ბრძოლა კეთილი საქმის კეთებით დავიწყეთ, რომელსაც შემდგომ მცირე ჩვენებური ფონი მივეცით და საბოლოოდ ნაზავით კმაყოფილნი დავრჩით,
კერძოდ, 20 მაისს გავმართეთ საქველმოქმედო აქცია-კონცერტი საქველმოქმედო ფონდ ადენესთან, ჩვენს მეგობარ მომგერლებთან და ახალგაზრდა პოეტებთან ერთად, რამაც საკმაოდ დიდი გამოხმაურება და ჩართულობა გამოიწვია პუბლიკის მხრიდან, აღნიშნულ კონცერტზე დამსწრე საზოგადოებას გავაცანით ჩვენი სამოქმედო გეგმა და მიზნები, დაწვრილებით განვიხილეთ და ვისაუბრეთ იმ აქციებისა და კონკურსების შესახებ, რომელთა ჩატარებასაც სამომავლოდ ვგეგმავთ, ვისაუბრეთ წიგნისა და ზოგადად განათლების აუცილებლობაზე, მაყურებელს ასევე წაუკითხეთ მცირე ამონარიდები ბაკურ სულაკაურის გამომცემლობიდან, მივეცით საშვალება ჩართულიყვნენ ამ კარგ საქმეში და შეეტანათ მოკრძალებული წვლილი, როგორც წიგნის პოპულარიზაციაში, ისე ჩვენი გუნდის საქმიანობაში, დაუტოვეთ საკონტაქტო მონაცემები და დავპირდით უფრო მაშტაბურ და საინტერესო ღონისძიებებს.
23 მაისს კი ვესტუმრეთ სოციალური თერაპიის სახლს, სადაც იყო გამოფენა-გაყიდვა იქ მყოფ პირთა ნამუშევრებისა, იმყოფებოდა უამრავი სტუმარი, მათ შორის თბილისის მერობის ერთ-ერთი კანდიდატი, ჩვენ გავიცანით თითოეული მათგანი, ვესაუბრეთ ჩვენს მიზნებზე, საქმიანობაზე, გავაცანით ჩვენი გეგმები, ვურჩიეთ წიგნები ბაკურ სულაკაურის გამომცემლობიდან, წავუკითხეთ სხვადასხვა ამონარიდები, ვაქციეთ ისინი ჩვენი გუნდის წევრებად და დავპირდით, რომ ჩვენს კონკურსებში აუცილებლად შეეძლებოდათ მონაწილეობის მიღება, საკმაოდ დიდი დაინტერესება იყო სტუმართა მხრიდანაც, ვისაუბრეთ კონკრეტულ ნაწარმოებებსა და მწერლებზე, ვიცეკვეთ, წავიკითხეთ ლექსები, დავუკარით ბეთხოვენის სონეტები და გავატარეთ ერთი ლამაზი, სასიამოვნო და ნაყოფიერი დღე ადამიანებთან ერთად, რომელთაც ჩვენი ყურადღება ნამდვილად აკლიათ..
.jpg)
ზემოთ აღნიშნული ღონისძიებები არის საძირკველი იმ სასახლისა რომლის აგებასაც ჩვენ ვგეგმავთ, სწორედ ამიტომ ჩვენს მიერ ჩატარებული ეს აქციები არ იყო განსაკუთრებულად მაშტაბური, ჩვენ ბევრი ვიმსჯელეთ და გადავანაწილეთ, ყველა ის შესაძლებლობა და რესურსი, რომელიც გაგვაჩნია, გვაქვს უამრავი კრეატიული და საუცხოო იდეა, ჩვენ გპირდებით ბევრად უფრო საინტერესო, ფართო მაშტაბიან, მრავალფეროვან და ხმაურიან ღონისძიებათა ციკლს, რომელიც კი აქამდე ჩატარებულა მსგავს კონკურსებზე.
კეთილი სურვილებით, მუდამ ხმაურიანი, თქვენი ...
